Departament tarixi. Axborot texnologiyalari markazi O'zbekiston Respublikasi Vazirlar Mahkamasining 2001-yil 23- maydagi “2001-2005 yillarda kompyuter va axborot texnologiyalarini rivojlantirish, “Internet”ning xalqaro axborot tizimlariga keng kirib borishni ta’minlash dasturini ishlab chiqishni tashkil etish chora-tadbirlari to‘g‘risida” gi 230-sonli Qarori hamda O'zbekiston Respublikasi Oliy va o‘rta maxsus ta’lim vazirligining 2001-yil 25-yanvardagi “OО‘MTV ta’lim muassasalarida Axborot texnologiyalari va masofadan о‘qitish markazlari tashkil etish tо‘g‘risida” 23-son buyrug‘i bilan tashkil etilgan. 2021-yilda markaz “Raqamli ta'lim texnologiyalari markazi” sifatida qayta tashkil etildi va 2022-yilda uning faoliyati kengaytirilishi natijasida ushbu tuzilma “Raqamli ta'lim texnologiyalari departamenti” maqomiga ega bo‘ldi. Raqamli ta'lim texnologiyalari departamenti zamonaviy axborot-kommunikatsiya texnologiyalarini joriy etish, ta’lim jarayonini raqamlashtirish va universitet infratuzilmasining axborot xavfsizligini ta’minlashga mas’ul bo‘lim hisoblanadi. Departamentning asosiy maqsadi universitet faoliyatida raqamli texnologiyalarni samarali qo‘llash, axborot resurslarining xavfsizligi va barqaror ishlashini ta’minlash hamda elektron ta’lim tizimlarini rivojlantirishdir.
Departamentning asosiy yo‘nalishlari va funksiyalari:
Axborot xavfsizligini ta’minlash:
-Universitetda yuzaga kelayotgan axborot xavfsizligi tahdidlarini aniqlash va bu haqda rahbariyatni o‘z vaqtida xabardor qilish.
-Axborotlarni himoya qilish bo‘yicha konsultatsiya xizmatlarini ko‘rsatish.
-Ichki va tashqi tahdidlarni monitoring qilish, ruxsatsiz kirish, ma’lumotlarni modifikatsiya qilish yoki yo‘qotish holatlarining oldini olish.
-Axborot tizimlari, resurslari va ma'lumotlar bazalarining xavfsizligini doimiy nazorat qilish.
Elektron ta'lim tizimini rivojlantirish:
-“Elektron ta’lim” milliy tarmog‘ining boshqaruvini tashkil etish va uning faoliyatini nazorat qilish.
-Universitetdagi elektron o‘qitish jarayonlariga rahbarlik qilish, mahalliy va xalqaro oliy ta’lim muassasalari bilan hamkorlik aloqalarini yo‘lga qo‘yish.
-Talabalar va xodimlar uchun kompyuter savodxonligi kurslarini tashkil etish.
Texnik qo‘llab-quvvatlash va infratuzilmani rivojlantirish:
-Universitet kompyuter texnikasini texnik ko‘rikdan o‘tkazish va ta’mirlash ishlarini tashkil qilish.
-Kompyuter operatorlari ishini nazorat qilish va mavjud kompyuter resurslarini zamonaviy texnologiyalar asosida yangilab borish.
-Internet tarmog‘i va elektron pochta xizmatlarining barqaror va samarali ishlashini ta’minlash.
-Nusxa ko‘paytirish uskunalarining ish faoliyatini nazorat qilish va texnik xizmat ko‘rsatish.
Axborot boshqaruvi va monitoring:
-Axborot uzatish jarayonining zamonaviyligi va haqqoniyligini ta’minlash.
-Foydalanuvchilarga apparat, dasturiy va axborot resurslaridan foydalanish imtiyozlarini belgilash va nazorat qilish.
-Tizim jurnallari orqali foydalanuvchilarning faoliyatini tahlil qilish va xatti-harakatlarning to‘g‘riligini nazorat qilish.
Dasturiy ta'minot va xizmatlar:
-Universitet nomidan dasturiy mahsulotlar yaratish va qonunchilik doirasida sotishni tashkil qilish.
-Operatsion tizimlar va amaliy dasturlarning barqaror ishlashini nazorat qilish hamda muammolar yuzaga kelganda ularni tezkor tiklash.
Xalqaro hamkorlik va innovatsiyalar:
-Axborot xavfsizligi sohasida xalqaro tajribani o‘rganish va milliy segmentda xavfsizlik hodisalarining oldini olish bo‘yicha amaliy ishlarni tashkil etish.
-Innovatsion texnologiyalarni joriy etish orqali universitetning raqamli rivojlanish strategiyasini qo‘llab-quvvatlash.
Raqamli ta'lim texnologiyalari departamenti universitetning raqamli infratuzilmasi va axborot xavfsizligini ta’minlovchi markaziy bo‘g‘in hisoblanadi. Departamentning keng qamrovli vazifalari universitetda zamonaviy raqamli muhitni yaratish, ta’lim sifatini oshirish va axborot resurslarini ishonchli himoyalashga qaratilgan.
Ayni paytda departament nafaqat texnik xizmat ko‘rsatish bilan shug‘ullanadi, balki elektron ta’limni rivojlantirish, axborot xavfsizligini mustahkamlash va AKT sohasida innovatsion loyihalarni amalga oshirish orqali universitetning raqamli transformatsiyasiga faol hissa qo‘shmoqda.
